اويس ڀٽو
اويس ڀٽو
اويس ڀٽو: ناليواري اديب شاعر، تعليمدان اويس ڀٽي جو پورو نالو اويس احمد ڀٽو ولد ارشاد احمد ڀٽو آهي. سندس جنم 23 جنوري 1988ع تي ڳوٺ مبارڪپور تعلقي ٺُل، ضلعي جيڪب آباد ۾ ٿيو. پرائمري تعليم پنهنجي ڳوٺ مان 1999ع ۾، مئٽرڪ 2004ع ۾ گورنمينٽ هاءِ اسڪول مبارڪپور مان، انٽر ۽ گريجوئيشن گورنمينٽ ڊگري ڪاليج ٺُل مان، ايم. اي سنڌي، بي. ايڊ ۽ ايم. ڊي شاهه عبداللطيف يونيورسٽي خيرپورميرس مان ڪيائين. هينئر سنڌ يونيورسٽي ڄام شورو مان ايم. فل ڪري رهيو آهي. اويس ڀُٽي لکڻ جي شروعات 2003ع کان ڪئي، جڏهن هو نائين ڪلاس ۾ پڙهندوهو. سندس پهرين لکڻي 2003ع ۾ ماهوار ‘ساٿي’ رسالي ۾ ڇپي. ان کان علاوه سنگتي، سنڌي ٻارڙا، ٻارن جي دنيا، تحفو، ٻالڪ دنيا، گلڙا، مهراڻ، عبرت مئگزين، تخيل، اُتساهه، ڪاوش مِڊ ويڪ، ڪاوش دنيا، دِي ڪيڊٽ، نونهال ۽ ٻين ڪيترن ئي رسالن ۾ لکيائين. ان کان سواءِ سنڌ مان نڪرندڙ اخبارن جهڙوڪ: ڪاوش، ڪوشش، عبرت، عوامي آواز، تعميرِ سنڌ، سنڌ ايڪسپريس، سوڀ، سُڪار، غريب نواز ۽ ٻين ۾ مسلسل سندس لکڻيون ڇپجنديون رهن ٿيون. اويس ڀٽو عملي زندگيءَ جي شروعات 2006ع گل ماڊل ڪاليج جيڪب آباد ۾ پڙهائڻ کان ڪئي. 2014ع کان 2016ع تائين ڪيڊٽ ڪاليج پيٽارو ۾ سنڌيءَ جي ليڪچرار طور پڙهايائين. 2016ع ۾ هو سنڌ ٽيڪسٽ بُڪ بورڊ ۾ سنڌي مضمون جو اسپيشلسٽ طور ڀرتي ٿيو، جتي دَرسي ڪتابن جي سَنوارَ ۽ سُڌار جون ذميواريون سرانجام ڏيندو پيو اچي. سندس ڇپيل ڪتابن ۾: ‘جهرڪيءَ کان انٽرويو’ (ٻارن لاءِ ڪهاڻيون: 2012ع)، ‘گلن مُٺ’ (مضمون: 2013ع)، ‘رانديڪو’ (ٻارن لاءِ ڪهاڻيون: 2014ع)، ‘تعليمي ڪاميابي ڪيئن حاصل ڪجي؟’ (تعليم: 2014ع)، ‘پيارَ جو پيرڊ’ (ڪهاڻيون: 2015ع)، ‘مِٺي ڳالهه’ (مضمون: 2015ع)، ‘ٻَهه ٻَهه ڪندڙ ٻالڪ’ (ٻاراڻي شاعري: 2016ع)، ‘ڪاميابيءَ جو راز’ (ٻارن لاءِ ڪهاڻيون: 2016ع) وغيره شامل آهن.
لفظ اويس ڀٽوھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1988.01.23 عيسوي
اويس ڀٽي جو 23 جنوري 1988ع تي ڳوٺ مبارڪپور تعلقي ٺُل، ضلعي جيڪب آباد ۾ ٿيو.
اديب - ڀاڱي جون ٻِيون داخلائون
شهيد سومروانيس گل عباسي
حجاب امتياز علي
غلام محمد بلو
فاروق سولنگي
دين محمد ڪلهوڙو ڊاڪٽر
شوڪت حسين شورو
زرداري محمد خان
پطرس بخاري
روشن علي تنيو